Google Android-də Mesajların Təhlükəsizliyini Yeni Səviyyəyə Qaldırır

Google, Android istifadəçilərinin mesajlaşma təhlükəsizliyini artırmaq üçün bu yay yeni funksiyanı — Key Verifier sistemini təqdim edəcək. Bu funksiya, sizə kiminlə yazışdığınızdan tam əmin olmağınızı təmin edir və fırıldaqçılara, saxta profillərə və məlumat oğurluğuna qarşı ciddi maneə yaradır.

Key Verifier sadə, lakin güclü texnologiyaya əsaslanır. Sistem işləyərkən telefonlar bir-biri ilə unikal kriptoqrafik açar mübadiləsi aparır. İstifadəçi qarşı tərəfin şəxsiyyətini təsdiqləmək üçün ya QR kodu skan edə, ya da alfanümerik kodu birbaşa müqayisə edə bilər. Bu təsdiqdən sonra söhbətdə xüsusi təhlükəsizlik nişanı peyda olur — bu da sizi əmin edir ki, yazışma real şəxs və təhlükəsiz kanallar vasitəsilə gedir.

Ən maraqlısı isə odur ki, bu funksiya nömrəniz oğurlansa belə işləyir. Ancaq onu da qeyd etmək lazımdır ki, hazırda bu imkan yalnız Google Messages tətbiqində aktiv olacaq. Hələ ki, RCS texnologiyasının lazım olub-olmadığı ilə bağlı qeyri-müəyyənlik var, lakin Android 10 və yuxarı versiyalarda funksiyanın dəstəklənəcəyi dəqiqləşib.

Bu yenilik Google-un mesaj təhlükəsizliyi sahəsində atdığı ən önəmli addımlardan biri kimi qiymətləndirilir. Xüsusilə sosial mühəndislik hücumlarının, kimlik oğurluğunun və saxta nömrələrlə yazışmaların artdığı dövrdə Key Verifier real vaxtlı təhlükəsizliyin açarı olacaq.